კრიშტიანუ რონალდუ მედიის ყურადღების ცენტრშია მოქცეული, რადგანაც პორტუგალიელ ვარსკვლავს “მანჩესტერ იუნაიტედთან” პრობლემები აქვს და მისი ტრანსფერიც არ არის გამორიცხული. რონალდუმ ინგლისურ მედიას შეუტია და ისინი ტყუილების გავრცელებაში დაადანაშაულა.
“შეუძლებელია, რომ ერთი დღე ისე გავიდეს, ჩემზე არ დაწერონ. სხვანაირად პრესა ფულს ვერ იშოვის. მათ იციან, რომ ადამიანების ყურადღების მიქცევა მხოლოდ ტყუილებით შეუძლიათ. კარგი, ასე გააგრძელეთ და შესაძლოა, ოდესმე ერთი სწორი ინფორმაცია მაინც გქონდეთ.
ყველაფერი შენახული მაქვს და ბოლო თვეებში ჩემს შესახებ გავრცელებული 100 ცნობიდან მხოლოდ 5 იყო მართალი. რამდენიმე კვირაში ერთ-ერთ ინტერვიუში ვისაუბრებ სიმართლეზე.”- დაწერა რონალდუმ.
აღსანიშნავია, რომ კრიშიტანუმ ეს კომენტარები თავისი ფანების ერთ-ერთ გვერდზე დაწერა, მოგვიანებით კი წაშალა.
კომენტარები post