“ადრე ძვირს ითხოვდნენ, ომმა კი ამ პუნქტში ძალიან შეგვიწყო ხელი” – ნაპოლის სპორტულმა დირექტორმა ხვიჩაზე ისაუბრა

ნაპოლის სპორტულმა დირექტორმა კრისტიანო ჯუნტოლიმ Radio Kiss Kiss ვრცელი ინტერვიუ მისცა, რომელშიც ხვიჩა კვარაცხელიას ტრანსფერზეც გააკეთა კომენტარი.

მას ჰკითხეს, თუ როგორ შეძლო ხვიჩა კვარაცხელიას გუნდში გადაბირება, რაზეც ჯუნტოლიმ ასე უპასუხა:

“ბევრი ინფორმაცია გვაქვს, რომელსაც ვამუშავებთ. ჩვენი მხრიდან წლების განმავლობაში იყო ინტერესი. რასაკვირველია, უფრო ადრე “რუბინი” დიდ თანხას ითხოვნდა, რომელსაც ვერ გავწვდებოდით და ამ თანხას ვერ დავხარჯავდით. ამიტომ, შესაფერის მომენტს ველოდით. ომის დაწყებამ საშუალება მოგვცა ოდნავ უფრო იაფი გზით გვესარგებლა. ასე რომ, ჩვენ შევძელით ამ ბიჭის ძალიან სწრაფად გუნდში მოყვანა სატრანსფერო ფანჯრის ოფიციალურად გახსნამდე დიდი ხნით ადრე.”