“ამ დღეს ძალიან დიდი ხანია ველოდი, თოკოს დანაკლისი კი ურთულესი გასააზრებელი იყო” – ილიას ზუროსი ევრობასკეტამდე

ხვალ, პირველ სექტემბერს ერთ-ერთი დიდი საკალათბურთო ტურნირი, ევრობასკეტი დაიწყება. საქართველოს ნაკრები ტურნირის ერთ-ერთი მასპინძელი გახლავთ.

ჩვენებურები A ჯგუფში ესპანეთთან, ბელგიასთან, ბულგარეთთან, მონტენეგროსთან და თურქეთთან ერთად არიან. ჯგუფიდან მხოლოდ სამი ნაკრები გადის საპლეიოფო რაუნდში.

დღეს საქართველოს ნაკრების თავკაცმა, ილიას ზუროსმა პრესასთან საკმაოდ საინტერესოდ ისაუბრა.

“თითქმის 7 წელია აქ ვმუშაობ და ამ დღეს დიდიხანი ველოდი, ხვალ თბილისი ევრობასკეტის ჯგუფურ ეტაპს მასპინძლობს. კარგი იქნებოდა , რომ დიდი დანაკლისის გარეშე არ ვყოფილიყავით, მაგრამ ასე მოხდა და თოკოს გარეშე გვიწევს ტურნირის დაწყება. ბიჭებისთვის თავიდან რთული იყო ამის გააზრება, მაგრამ შერმომ და ცინცაძემ შეძლეს მათთვის მოტივაციის გაღვიძება და ვფიქრობ იტალიის წინააღმდეგ გულშემატკივარმა იხილა ის სულისკვეთება, რომლითაც არიან. პირველი თამაში ყოველთვის ძალიან რთულია და მოგიწოდებთ გულშემატკივრებს მაქსიმალურად მხარში დაგვიდგეთ და გაგვაგონოთ თქვენი ხმა. წინ საქართველო და წარმატებები”, – განაცხადა ილიას ზუროსმა.

ხვალ საქართველოს ნაკრები საღამოს ცხრა საათზე ბელგიას დაუპირისპირდება.