არანაირი გადათამაშება – 22 წამის საკითხი ფიბამ განიხილა და არაფერი შეიცვლება

საქართველოსთან ევრობასკეტზე მარცხის შემდეგ, თურქებმა ფიბაში არაერთი საჩივარი შეიტანეს.

ერთ-ერთი ოფიციალური საჩივარი ევრობასკეტის მე-3 ტურში საქართველოსა და თურქეთის ნაკრებებს შორის გამართულ მატჩში 22 წამის დაკლებასთან დაკავშირებით გახლდათ.

ფიბამ თურქების მოთხოვნა არ დააკმაყოფილა. გადათამაშება არ იქნება. ბოლო მეოთხედში, წამზომი 22 წამის განმავლობაში ჩართული იყო, როცა თამაში შეჩერებული გახლდათ, მაგრამ TBF-მ სარჩელში ვერ დაამტკიცა, რომ ეს 22 წამი გადამწყვეტი იქნებოდა მატჩის ანგარიშზე.

ფურკან კორკმაზთან დაკავშირებით აგორებულ სკანდალზე კი ფიბა გამოძიებას აგრძელებს: “რაც შეეხება ორივე ფედერაციის ბრალდებებს ორივე მხრიდან მოთამაშეებისა და დელეგაციის წევრების ჩხუბში მონაწილეობის შესახებს, ამ მომენტისთვის გამოძიება გრძელდება. როცა გამოძიება დასრულდება, ფიბა მიიღებს გადაწყვეტილებას სადისციპლინო სანქციების შესახებ.”