საქართველოს ნაკრებმა ევრობასკეტ 2022 მარცხით დაიწყო. ძალიან დაძაბულ ბრძოლაში, ოვერტაიმში, ბელგიელებმა 79:76 დაგვამარცხეს.
მატჩის შემდეგ მედიასთან კომენტარი ნაკრების მთავარმა მწვრთნელმა, ილიას ზუროსმა გააკეთა:
“ყველას დიდი მადლობა, ვინც მხარს გვიჭერდა. სამწუხაროდ, თამაში ვერ მოვიგეთ. ბევრს ვცდილობდით, თუმცა მეტოქემ კარგად ითამაშა. რა მოხდა? დაცვაში ბევრი შეცდომა დავუშვით! ტაქტიკას საერთოდ არ მივყევით. შეცდომებისთვის ისჯები.
წინ კიდევ 4 მატჩია. მომდევნო ორ შეხვედრას ვატარებთ ნაკრებებთან, რომლებსაც მედლებისთვის ბრძოლა შეუძლიათ. ბოლო ორ მატჩში ვთამაშობთ მეტოქეებთან, რომლებთანაც უნდა მოვიგოთ, თუ გასვლა გვინდა.
სამწუხაროდ, გოგას შესახებ ახლა არაფერი ვიცით. იმედი გვაქვს, რომ კარგად იქნება. არ ვართ იღბლიანები, ამ ბოლო პერიოდში ბევრს ვშრომობდით, მაგრამ სრული გუნდით ვერ ვთამაშობთ. ხანდხან გჭირდება იღბალი და დახმარება.
ჩვენს მატჩზე საოცარი ატმოსფერო იყო. ყველა შეხვედრაზე დარბაზი ვერ გაივსება. ევრობასკეტზე მხოლოდ მასპინძელი ქვეყნის ქომაგები არ არიან. საჭიროა, ყველა მატჩზე ტრიბუნა სავსე იყოს, თუმცა ყველა გუნდს ჰყავს ქომაგები, რომლებსაც შეუძლიათ ჩამოსვლა, მატჩზე დასწრება და ქომაგობა.
არაფერს დავთმობთ! იმედია, რომ გოგა მომდევნო მატჩში იქნება. დღეს მამუმ ბევრი ითამაშა, მაკფადენმაც ბევრი ითამაშა და გოგამაც. ეს იყო მატჩი, რომლის მოგებაც გვსურდა. შედეგი ვერ მივიღეთ და სამწუხაროდ, გოგამ ტრავმა მიიღო.
შერმადინი ძალიან კარგი მოთამაშეა, მაგრამ რთულია იმ გუნდთან თამაში, რომლის ყველა კალათბურთელს გარედან სროლა შეუძლია. სანდრო პარკეტზე იყო, რადგანაც მისგან მეტ აგრესიას ველოდით. ცუდი როტაცია გვქონდა მნიშვნელოვან მომენტებში. დაცვაშიც საკმაოდ იყო პრობლემები. პატარა შეცდომებმა მიგვიყვანა იქამდე, რომ მატჩი ვერ მოვიგეთ.”
საქართველოს ნაკრები მომდევნო მატჩს ესპანეთის წინააღმდეგ, 3 სექტემბერს გამართავს.
კომენტარები post