სერბული “ცრვენა ზვეზდას” რუსეთისადმი სიყვარულის ამბავი ახალი ნამდვილად არაა. ეს კლუბმა გუშინ კიდევ ერთხელ დაადასტურა, როცა სოციალურ ქსელში განათავსა ფოტო, წარწერით: “სიყვარულით რუსეთიდან!’
ამ პოსტის გამოქვეყნებიდან რამდენიმე საათში “წითელმა ვარსკვლავმა” 19 წლის რუსი ნახევარმცველის, ეგორ პრუტსევის ტრანსფერი დაადასტურა. პრუტსევის ტრანსფერის გამაოფიციალურებელ განცხადებას შემდეგი პოსტი მოჰყვა:
“რუსულ-სერბული მეგობრობა გრძელდება. ჩვენ რუსეთიდან ახალი ფეხბურთელი გვყავს და ის უფრო მეტი ტიტულის მოგებაში დაგვეხმარება.”
შეგახსენებთ, რომ 3 ივლისს “ცრვენა ზვეზდამ” სანქტ-პეტერბურგის “ზენიტთან” ამხანაგური მატჩი გამართა. სანქტ-პეტერბურგელმა ქომაგებმა სტადიონზე ბანერი გადმოჰკიდეს, რომელსაც ეწერა: “რუსები და სერბები მარად ძმები არიან!”
ეს სიყვარულობანა არც “წითელი ვარსკვლავის” მხრიდან დაუკლიათ. კლუბის გენერალურმა დირექტორმა ზვეზდან ტერზიჩმა ასეთი რამ თქვა:
“რუსეთში ყოფნა მიხარია. რუსეთი ჩვენი უფროსი ძმაა. მას ჩვენს მოძმე ქვეყნად ვთვლით. აქ ფეხბურთის სათამაშოდ ჩამოსვლით მოხარული ვართ.”
კომენტარები post