მიმდინარე სატრანსფერო ფანჯარაზე მიუნხენის “ბაიერნი” ერთ-ერთი ყველაზე აქტიური კლუბია. “ბაიერნმა” უკვე დაიმატა სადიო მანე, გრავენბერხი, მაზრაუი და მატიას დე ლიხტი, მაგრამ გერმანელები არ ჩერდებიან.
ჯერ-ჯერობით ოფიციალურად არ დადასტურებულა, მაგრამ ძალიან სანდო წყაროები იტყობინებიან, რომ ამჯერად “რეკორდმაისტერმა” მეგა ფრანგი ტალანტი, 17 წლის მატის ტელი დაიმატა.
ახალგაზრდა ცენტრფორვარდი უნივერსალობით გამოირჩევა და მას ორივე ფლანგზეც შეუძლია თამაში. “ბაიერნი” მასთან კონტრაქტს 2027 წლამდე გააფორმებს. გერმანული კლუბი “რენს” ტელის სანაცვლოდ 28,5 მილიონ ევროს გადაუხდის, რაც ასეთი ახალგაზრდა ფეხბურთელისთვის ძალიან დიდი თანხაა.
“ბილდის” ინფორმაციით, ტელს აუცილებლად ბაიერნში სურდა გადასვლა. აღსანიშნავია, რომ მისი გადაბირებას მადრიდის რეალი და ტურინის იუვენტუსიც ცდილობდნენ. იყო დაინტერესება ინგლისის პრემიერლიგის კლუბებიდანაც.
კომენტარები post