ლა ლიგის მეექვსე ტურში, გიორგი მამარდაშვილის “ვალენსია” “სელტას” მასპინძლობდა. ქართველი მეკარის გუნდმა “მესტალიაზე” 3:0 მოიგო.
გიორგი მამარდაშვილმა მაღალ დონეზე ითამაშა, კარი მშრალად შეინახა და ლოგიკურია, რომ ესპანური გამოცემებისგანაც კარგი შეფასებები მიიღო.
“ასპასის დარტყმას კარგი სეივით უპასუხა. ფეხით თამაშში უნდა მოუმატოს, მაგრამ კარის ხაზზე მაღალი და დაბალი ბურთების დროს ვარსკვლავური მეკარეა. მეორე ტაიმში მან გუნდი 1:0-ზე გადაარჩინა”, – წერს Eldesmarque.
Superdeporte: “უდავოა, რომ ქართველი ჩემპიონატის საუკეთესო მეკარეებშია. 1:0-ზე მისი დიდებული სეივი ლარსენის წინააღმდეგ გამარჯვების გასაღები იყო. მაღალ ბურთებზეც ძალიან დამაჯერებელი იყო.”
“მარტო დიაკაბიმ არა, მთელმა გუნდმა კარგად ითამაშა და ყველა მათგანი უნდა გამოვყო. სელტა თავიდან პრესინგს ძალიან კარგად თამაშობდა და ბევრი არაზუსტი პასი გავაკეთეთ. დაცვამ, ნახევარდაცვამ, თავდასხმამ ძალიან კარგად იმუშავეს. გიორგიმაც შესანიშნავი სეივი შეასრულა მათი სტანდარტის დროს. ახლა ვიმედოვნებ, რომ გუნდი გამარჯვებას სტუმრადაც მოიპოვებს”, – ეს კი ჯენატო გატუზოს შეფასებაა.
კომენტარები post