დღეს საღამოს, ევროლიგის მორიგ ტურში თორნიკე შენგელიას ვირტუს ბოლონია პირეოსის ოლიმპიაკოსს უმასპინძლებს და ეცდება, რევანში აიღოს მწარე მარცხისთვის, რომელიც პირველ წრეში საბერძნეთში განიცადა.
ამ გუნდებმა პირეოსში გასული წლის 9 დეკემბერს ითამაშეს და მაშინ მასპინძლებმა 46 (!) ქულის სხვაობით, 117:17 იმარჯვეს. იმ შეხვედრაში შენგელიამაც ითამაშა და 19:45 წუთში 9 ქულა, 2 მოხსნა, 1 პასი და 1 ჩაჭრა მიითვალა, ამჯერად კი, გაცილებით მეტის მოლოდინი აქვს.
“ვიცით, რაოდენ სერიოზული მეტოქე გველის, ამდენად, წარმატებისთვის აუცილებელია, რომ პოზიტიური ენერგიით დავიმუხტოთ და ჩვენი თავის ბოლომდე გვჯეროდეს. საჭიროა გუნდურად ვითამაშოთ და არ დაგვავიწყდეს, რა მოხდა პირველ მატჩში. ყველამ მაქსიმუმი უნდა გავიღოთ, მითუმეტეს, მას მერე, რაც წინა ტურში ჟალგირისთან საშინაო თამაში წავაგეთ”, – განაცხადა ქართველმა ფორვარდმა, რომელსაც 48 ქულა აშორებს ევროლიგაში 2 500-ქულიან ნიშნულთან და მხოლოდ 1 შედეგიანი გადაცემა – საიუბილეო მე-400 პასთან.
კომენტარები post