უიმბლდონზე კაცთა თანრიგში პირველ მეოთხედფინალურ შეხვედრაში ერთმანეთს ნოვაკ ჯოკოვიჩი და იანიკ სინერი დაუპირისპირდნენ. ჩოგბურთელებმა გულშემატკივრებს დაუჯერებელი სანახაობა აჩუქეს.
სერბმა ჩოგბურთელმა მეტოქის დამარცხება ძალიან დაძაბულ, 5-სეტიან ბრძოლაში შეძლო 3:2 (5:7; 2:6; 6:3; 6:2; 6:2).
ჯოკოვიჩს მატჩის სტარტი ძალიან ცუდი გამოუვიდა და თავის ჩოგბურთს ვერ თამაშობდა, მაგრამ მესამე სეტში თავისი თამაში იპოვა, მატჩში გარდატეხა შეიტანა და სადავეები ხელიდან აღარც გაუშვია.
ჯოკოვიჩმა უიმბლდონზე მესამედ შეძლო მატჩის 0-2-დან შემოტრიალება, კარიერაში კი მეშვიდედ.
ნოვაკ ჯოკოვიჩი უიმბლდონის ნახევარფინალში დავიდ გოფინსა და კამერონ ნორის შორის გამარჯვებულს შეხვდება.
კომენტარები post