ლეგენდარული მოკრივე და მძიმე წონაში მსოფლიოს ყოფილი ჩემპიონი, მაიკ ტაისონი უკრაინაში არსებულ მდგომარეობას ეხმაურება და მხარდაჭერას უცხადებს, მათ შორის ძმებ კლიჩკოებს, რომლებიც სამშობლოს დასაცავად იარაღით ხელში დგანან.
“ვიტალი და ვლადიმირ კლიჩკოებს ვიცნობ, თუმცა, ბოლო პერიოდში მათთან კონტაქტი არ მქონია. საქველმოქმედო ბრძოლაში ვლადიმირ კლიჩკოსთან გაცილებით მეტი უნდა გავაკეთოთ, ვიდრე ეს შეხვედრა იქნება. მიმდინარე მოვლენებს ძალიან სერიოზულად უნდა მივუდგეთ. ისინი მართლაც საჭირო საქმეს აკეთებენ, წინა ხაზზე დგანან და ამისთვის ახლა, რა თქმა უნდა არ ეცლებათ. უკრაინაში ძლიერი ხალხი არიან და რუსების წინააღმდეგ ადრეც უბრძოლიათ. უბრალოდ, ახლა ეს, მთელი კაცობრიობის ომად იქცა”, – ამბობს ტაისონი.
შეგახსენებთ, რომ ვლადიმერ პუტინის ბრძანებით, რუსეთი უკრაინაში 24 თებერვალს შეიჭრა და ფართომასშტაბიანი ომი დაიწყო, რასაც ათასობით ადამიანი შეეწირა.
კომენტარები post