საქართველოს საკალათბურთო ნაკრები ევრობასკეტისთვის მზადებას განაგრძობს. როგლაში შეკრების შემდეგ ქართველებმა უნგრეთის წინააღმდეგ ამახანაგური შეხვედრა გამართეს და მეტოქესთან 89:88 დამარცხდნენ.
მატჩის შემდეგ თამაში შეაფასეს ილიას ზუროსმა, დუდა სანაძემ და მანუჩარ მარკოიშვილმა.
ზუროსი: “უნგრეთში იყო კარგი მომენტი – გიორგი ცინცაძემ დაახლოებით 23 წუთი ითამაშა. ტრავმის შემდეგ იგი ნაკრებს დაუბრუნდა და ფორმასაც იბრუნებს. ცუდად ვითამაშეთ დაცვაში, რაც აუცილებლად გამოსასწორებელია. ბევრი მოხსნა დავთმეთ, ერთი-ერთზე დაცვითაც უკმაყოფილო ვარ. თუმცა ევრობასკეტამდე დრო გვაქვს და პოზიტივი უნდა შევინარჩუნოთ.”
სანაძე: “ყველა მატჩზე მოსაგებად გავდივართ, თუმცა ამ ეტაპზე მთავარი იყო დაგვენახა ჩვენი მინუსები. დავინახეთ კიდეც და ბევრი უნდა ვიშრომოთ, რომ ოფიციალურ მატჩებამდე გამოვასწოროთ.”
მარკოიშვილი: “პირველი მატჩი იყო საზაფხულო შესვენების შემდეგ და ამის კვალობაზე უკმაყოფილოები არ ვართ. მთავარი იყო დაგევნახა ჩვენი პრობლემები. ამ მატჩმა ნათლად დაგვანახა და ვიცით რა გზით ვიაროთ მაღალ მიზნებს რომ მივაღწიოთ.”
კომენტარები post