ყოფილმა ფეხბურთელმა ანდრეა კარნევალემ დიეგო მარადონას დროინდელი და ახლანდელი ნაპოლი ერთმანეთს შეადარა. 62 წლის კარნევალეს, რომელიც 1990 წლის მუნდიალის ბრინჯაოს პრიზიორია, “მარადონას წლებში” აქვს ნაპოლიში ნათამაშები და ის ორჯერ გახდა გუნდთან ერთად იტალიის ჩემპიონი, 1987 და 1990 წლებში. ანდრეა ახლა უდინეზეს ტალანტების მოძიებაში ეხმარება.
Corriere dello Sport-თან ინტერვიუში ანდრეა კარნევალემ ახლანდელი და 80-იანი წლების ბოლოს ნაპოლი შეადარა:
“ვეთანხმები აზრს, რომ ეს ნაპოლი ჩემს დროინდელ ნაპოლის სჯობს, უკეთესია. და ეს არა მხოლოდ სტატისტიკის გამო. ახლანდელი გუნდი მოედანზე თავდაჯერებული გადის და თითქმის ყოველთვის აღწევს მიზანს, მოთამაშეთა ჯგუფს რომ შევხედოთ, ახლანდელი უკეთესია. რადგან გუნდს არავისი ეშინია, ის წარმატებას ევროპაშიც აღწევს.
შედარებისას უნდა ვთქვა, რომ ძნელია ძველი შემტევი სამეულის მიბაძვა. მარადონა, ჯორდანო და კარეკა მართლაც საოცარი ტრიდენტი იყო, რაღაც განსაკუთრებული. როცა ფეხბურთელებს ვადრი, კვარაცხელიას უფრო ჯორდანოს ვამგვანებ, ლობოტკა რაღაც საშუალოა რომანოსა და ფუსის შორის; ანგისა – ან დე ნაპოლი ან ბანი; ჟიელინსკი, რომელსაც მე კარგად ვიცნობ, ძოლას მაგონებს; კიმში რენიკას ხასიათს ვხედავ; დი ლორენცოს კი აქვს რაღაც კორადინისგან; რაჰმანი კი ფერარა გამოდის”.
კომენტარები post