საქართველოს მორაგბეთა ნაკრებმა ივლისის ტესტ-მატჩები პორტუგალიასთან გამარჯვებით დახურა. გუშინ ბორჯღალოსნებმა “აია არენაზე” პორტუგალიელებს 23:14 სძლიეს. გამარჯვების მიუხედავად საქართველოს ნაკრები რაგბის განახლებულ რეიტინგში 1 პოზიციით დაქვეითდა. ამის მიზეზი კი ოკეანის ერთა თასზე მომხდარი სენსაციაა.
წყნარი ოკეანის ერთა თასის ფინალში ერთმანეთს ფიჯი და სამოა დაუპირისპირდნენ. ფავორიტი ფიჯი პირველი ტაიმის შემდეგ დამაჯერებლად, 17:3-ს იმარჯვებდა, მაგრამ მეორე ტაიმში ყველაფერი შეიცვალა. სამოამ ფიჯის თავისი თამაში მოახვი თავს და საბოლოოდ 20:23 გაიმარჯვა.
ამ გამარჯვების წყალობით, აქამდე მე-13 ადგილზე მყოფმა სამოამ +1.54 ქულა შეიმატა და საქართველოს გარდა ფიჯისაც გადაუსწრო და ახლა მე-11 პოზიციაზეა. საქართველო 74.51 ქულით მე-13 პოზიციას იკავებს.
კომენტარები post