“ღმეთო მადლობა, მიხარია, რომ ხვიჩა დღეს არ ითამაშებს” – სალერნიტანას მწვრთნელი

იტალიური “სალერნიტანას” პრეზიდენტმა დანილო იერვოლინომ “ნაპოლისთან” კარსმომდგარი მატჩის შესახებ ისაუბრა.

“პარტენოპეის” ქართველი გარემარბი ხვიჩა კვარაცხელია ამ შეხვედრაში მონაწილეობას გაციების გამო ვერ მიიღებს. როგორც ჩანს, ეს იერვოლინოს ყურამდეც მივიდა და ძალიანაც გაახარა.

“გვინდა, რომ ეს მეგობრული ჯახი იყოს. გვსურს, ამ მატჩით აიგოს ხიდი კლუბებს შორის და შეხვედრის შემდეგ იყოს მესამე ტაიმი, რომელშიც ჩვენი და მოწინააღმდეგე გუნდის ქომაგები ერთად წავლენ დასალევად.

საფეხბურთო კუთხით თუ შევხედავთ, ძალიან რთული შეხვედრა გველის, რადგან “ნაპოლი” დღეს ევროპის ერთ-ერთი ყველაზე სანახაობრივი გუნდია და წინ ბრწყინვალე ცენტრფორვარდი ჰყავს. ვეცდებით ჩვენი შანსების მაქსიმალურად გამოყენებასა და რისკიანი ფეხბურთის თამაშს.

ჩვენთვის სასიამოვნო ინფორმაციაა და მადლობა ღმერთს, ხვიჩა კვარაცხელია სახლში დარჩება და ჩვენს წინააღმდეგ თამაშს ვერ შეძლებს, რამეთუ ის ბრწყინვალე ფეხბურთელია. მიუხედავად ამისა, უნდა აღინიშნოს, რომ “ნაპოლი” მაღალი დონის ფეხბურთელთა სიმცირეს სულაც არ განიცდის,” – თქვა იერვოლინომ.