ხუთშაბათი, 30 ივნისი, 2022

გოლდენ სთეით NBA-ის ჩემპიონია - სტეფ კარი კი ფინალების MVP


  • 1 კვირის წინ
გოლდენ სთეით NBA-ის ჩემპიონია - სტეფ კარი კი ფინალების MVP

2021/2022 წლების NBA-ის სეზონი დასრულდა. სუპერფინალურ სერიაში "გოლდენ სთეით უორიორსმა" "ბოსტონ სელტიკსი" 4:2 დაამარცხა და ბოლო 8 სეზონში მეოთხედ დაეუფლა ჩემპიონის ტიტულს.

სერიის მეექვსე დაპირისპირება დღეს დილით ბოსტონში გაიმართა და "უორიორსმა" მეტოქე 90:103 დაამარცხა. კიდევ ერთი შესანიშნავი შეხვედრა ჩაატარა სტეფ კარიმ, მის ანგარიშზე 34 ქულა, 7 მოხსნა და 7 შედეგიანი გადაცემა იყო.

უორიორსის ვარსკვლავი, რომელიც პლეი ოფის 6 თამაშში საშუალოდ 31,2 ქულას, 6,0 მოხსნასა და 5,0 პასს აგროვებდა, მის კარიერაში პირველად, ფინალური სერიის MVP-ად დაასახელეს.

"სელტიკსის" რიგებში საუკეთესო ჯეილინ ბრაუნი იყო 34 ქულით, მაგრამ მას თანაგუნდელებმა მხარი ვერ აუბეს და "ბოსტონი" ამ სეზონში მხოლოდ აღმოსავლეთ კონფერენციის ჩემპიონობას უნდა დასჯერდეს.

ასევე დაგაინტერესებთ