“მანჩესტერ სიტიმ” სეზონის პირველი ოფიციალური მატჩი, ინგლისის სუპერთასი, “ლივერპულის” წინააღმდეგ დათმო, ანგარიშით 3:1.
რა თქმა უნდა “სიტის” რიგებში მუდამ ყურადღების ცენტრში იყო ერლინგ ჰალანდი, რომელსაც თავისი საუკეთესო შეხვედრა არ ჰქონია. ნორვეგიელმა გოლის გატანა ვერ შეძლო და მატჩის მიწურულს ძალიან რეალური მომენტი ვერ გამოიყენა.
მატჩის შემდეგ ჰალანდის შესახებ კომენტარი პეპ გუარდიოლამ გააკეთა:
“ჰოლანდს პირველ ნახევარში 2-3 მომენტი ჰქონდა და კიდევ ერთი მატჩის მიწურულს. მუდმივად ქმნიდა საფრთხეს, ბევრს იბრძოდა, მოძრაობდა. კარგია, რომ დაინახა, როგორია ახალ ქვეყანაში და ახალ ლიგაში თამაში. არ გაუტანია, თუმცა წარმოუდგენლად ნიჭიერი მოთამაშეა და ამას აუცილებლად გააკეთებს”.
როცა აშშ-ს ტურნეში გაიტანა, ყველამ თქვა, რამდენად შთამბეჭდავია. ამ შეხვედრაშიც ჰქონდა მომენტები, არაფერი შეცვლილა. ძლიერია. შემდეგ ჯერზე გაიტანს. ასეთია ფეხბურთი. ეს არ მაღელვებს, რადგან წინ 11 დაძაბული თვე გვაქვს და დაგვეხმარება”,– განაცხადა გუარდიოლამ
კომენტარები post