თურქეთის საკალათბურთო ასოციაცია გაოგნებულია გუშინდელ მატჩში, საქართველოს წინააღმდეგ, მომხდარის გამო.
ისინი ტურნირის დატოვებით იმუქრებიან, თუკი მასპინძელი მხარე ვიდეოჩანაწერებს არ გამოაქვეყნებს, სადაც სტუმართა კალათბურთელ ფურკან კორკმაზთან დაკავშირებული ეპიზოდია ასახული.
“როდესაც კორკმაზი ჩვენს მწვრთნელებთან ერთად გასახდელისკენ მიდიოდა, მას ის ქართველი კალათბურთელები დაესხნენ თავს, რომლებიც მატჩში მონაწილეობას არ იღებდნენ, იქვე იყვნენ გაძევებული მოთამაშე და პოლიცია. მატჩის დასრულების შემდეგ, 30-მდე პოლიციელმა კიდევ ერთი შეხლა-შემოხლა გამოიწვია. ჩვენ ქართულ პოლიციასთან ჩხუბში ჩართვა მოგვიწია. მივმართავ ფიბა-ს, არავის მისცეთ საშუალება მოგატყუონ, ჩვენ კი სულელებად გამოგვიყვანონ. ვითხოვთ, ამ კორიდორის კამერებიდან უწყვეტი ჩანაწერი მოგვაწოდონ. წინააღმდეგ შემთხვევაში, ტურნირზე თამაშს აღარ გავაგრძელებთ”, – განაცხადა თურქეთის კალათბურთის ფედერაციის ვიცე-პრეზიდენტმა ომერ ონანმა.
კომენტარები post