“მანჩესტერ სიტის” რიგებში თავისი სადებიუტო შეხვედრა ჩაატარა ახალგაზრდა ნორვეგიელმა ვარსკვლავმა ერლინგ ჰალანდმა. “სიტი” ამხანაგურ შეხვედრაში “ბაიერნს” დაუპირისპირდა და 1:0 დაამარცხა, გამარჯვების გოლი კი სწორედ ჰალანდმა გაიტანა.
მატჩის შემდეგ ერლინგმა თავისი სადებიუტო შეხვედრა შეაფასა:
“კარგი დასაწყისია, შესანიშნავი გოლი გავიტანე, სტადიონზე შესანიშნავი ატმოსფერო იყო შექმნილი. ყველაფერი კარგად წავიდა, მომავალ სეზონზე დიდი მოლოდინები მაქვს, ვფიქრობ, ის ძალიან კარგი იქნება.
გუარდიოლა ცოტა გიჟია, მაგრამ ეს მომწონს. მანჩესტერ სიტიში მხოლოდ ერთი კვირა გავატარე, ამიტომ ჯერ ბევრს ვერაფერს ვიტყვი. მზად ვარ ყველაფრისთვის, რაც წინ გველოდება.
მატჩს 80 ათასი გულშემატკივარი ესწრებოდა და შესანიშნავი ატმოსფერო იყო შექმნილი, აქ პირველი გოლის გატანა მშვენიერი იყო”,– განაცხადა ჰალანდმა.
კომენტარები post