საქართველოს წყალბურთელთა ნაკრები ევროპის ჩემპიონატზე მასპინძელ ხორვატიასთან მეოთხედფინალურ მატჩში 5:15 დამარცხდა.
საქართველოს ნაკრებმა ამ ევროპის ჩემპიონატზე ისტორიულ შედეგს მიაღწია, რადგან ევროპის ჩემპიონატის 1/4-ფინალში ისტორიაში პირველად ითამაშა. ხორვატია წყალბურთში ერთ-ერთი მთავარი გრანდია და აშკარა ფავორიტიც იყო. ხორვატებმა უპირატესობა პირველივე პერიოდში მოიპოვეს და სიტუაციას თამაშის ბოლომდე აკონტროლებდნენ.
საქართველოს ნაკრები ევროპის ჩემპიონატზე ასპარეზობას აგრძელებს და ახლა მეხუთე ადგილისთვის ბრძოლაში ჩაერთვება, მომდევნო მატჩს კი 8 სექტემბერს, საფრანგეთის ნაკრებთან ჩაატარებს.
კომენტარები post