29 წლის სერბი გარემარბი, ფილიპ კოსტიჩი, რომელსაც გერმანულ კლუბთან კონტრაქტი 2023 წლამდე აკავშირებდა, კარიერას გაცილებით მაღალ დონეზე, ტურინის იუვენტუსში გააგრძელებს.
იტალიურმა გრანდმა ტრანსფერი პარასკევს ოფიციალურად დაადასტურა. ცნობილი გახდა კოსტიჩის ფასიც: იუვე აინტრახტს 12 მილიონ ევროს გადაუხდის და ეს თანხა, ბონუსებით, შეიძლება 15 მილიონამდე გაიზარდოს.
კოსტიჩის ყიდვა რომის ლაციოს სურდა, მაგრამ აინტრახტმა თავისი ლიდერი არ გაუშვა. როგორც აღმოჩნდა, ეს სწორი გადაწყვეტილება იყო, რადგან ჯერ ერთი, რომაული კლუბი მხოლოდ 10 მილიონს იხდიდა და მეორეც – სერბის გარეშე ფრანკფურტელებს ასეთი სეზონი ალბათ არ ექნებოდათ.
კომენტარები post