საბჭოთა კავშირის ნაკრების ყოფილმა გოლკიპერმა ანზორ კავაზაშვილმა მოსკოვის “სპარტაკის” ცენტრალური მცველის, გიორგი ჯიქიას შესახებ ისაუბრა.
“ჩემი აზრით, გიორგის ყველაზე არისტოკრატულ ესპანურ კლუბში – “რეალში” შეუძლია თამაში. დარწმუნებული ვარ, იგი ამ დონეზე თამაშს თავს გაართმევს და სასტარტო შემადგენლობაშიც დაიმკვიდრებს ადგილს.
ჯიქია თამაშისას შეცდომებს არ უშვებს. “რეალში” თავს ისე იგრძნობდა, როგორც სახლში. ვფიქრობ, ტრანსფერი შესაძლებელია,” – განაცხადა კავაზაშვილმა.
შეგახსენებთ, რომ 29 წლის ჯიქიასა და მის თანაგუნდელებს როგორც სანაკრებო, ასევე უეფას საკლუბო ტურნირებზე მონაწილეობის უფლება ჩამოერთვათ. ახლა იგი მხოლოდ რუსეთის შიდა ჩემპიონატსა და რუსეთის ახალგაზრდული ნაკრებების წინააღმდეგ თუ გამოცდის საკუთარ ძალებს.
კომენტარები post