“კრიშტიანუ ბარსელონაში არ ითამაშებს, ის სულიერად ჯერ კიდევ რეალის ფეხბურთელად გრძნობს თავს”- დი მარციო

იტალიელი ჟურნალისტი ჯანლუკა დი მარციო კრიშტიანუ მომავალზე საუბრობს. მოგეხსენებათ, პორტუგალიელს “მანჩესტერ იუნაიტედიდან” წასვლა უნდა და ის ახალ კლუბს ეძებს. რამდენიმე გამოცემა წერდა იმასაც, რომ “ბარსელონას” ჰქონდა ინტერესები რონალდუს მიმართ.

“რონალდუს ჩემპიონთა ლიგაზე სურს თამაში, მისი მიზანი ამ ტურნირზე რეკორდების გაგრძელებაა. აგენტი ცდილობს შემდეგი სეზონისთვის საუკეთესო გადაწყვეტილება იპოვოს და ამიტომ, რამდენიმე კლუბს ესაუბრება.”

“ჩელსი“ ახალ ერას იწყებს და ეს სულ რომ ახალი მფლობელისთვის უბრალოდ საიმიჯო გარიგება იყოს, ეს მაინც შესაძლებელია, იმიტომ რომ მასზე მთელი მსოფლიო ილაპარაკებს. რონალდუ ჩემპიონთა ლიგაზე ითამაშებდა ახალი ემოციებითა და ამბიციებით.”

“არამგონია, სხვა ბევრი ვარიანტი ჰქონდეს. „პსჟ“ მას არ დაიმატებს, იმიტომ რომ მესი, ნეიმარი და მბაპე ჰყავთ. თუ მას პრემიერ ლიგაში დარჩენა და ჩემპიონთა ლიგაზე სურს თამაში – „ჩელსი“ ერთადერთი ვარიანტია.”

“არამგონია, რომ კრიშტიანუ რონალდუს „ბარსელონაში“ შეეძლოს გადასვლა. სულიერად ის დღემდე „რეალის“ ფეხბურთელია. ასე რომ არამგონია, რომ ის „ბლაუგრანაში“ გადავა. „ბარსელონას“ ლევანდოვსკი სჭირდება და ისინი მის დამატებას ბოლომდე შეეცდებიან.”

“თუ კრიშტიანუს ახალი გამოცდილება უნდა, MLS-ში გადასვლის ვარიანტიც არსებობს. ვიცი, რომ MLS-ში კრიშტიანუს ხილვა უნდათ. თუ წელს არა, მომავალ წელს მაინც. თუნმცა არ ვფიქრობ, რომ ის იქ კარიერის ბოლომდე აუცილებლად გადავა”.

“მანჩესტერ იუნაიტედს“ უნდა, რომ ფული გადაუხადონ. გასულ წელს მათ „იუვენტუსს“ ფული გადაუხადეს, ამიტომ არამგონია, რომ „ემიუს“ ახლა ფულის დაკარგვა სურდეს.“