ხვალ ხვიჩა კვარაცხელია ჩემპიონთა ლიგაზე თავის პირველ შეხვედრას გამართავს, “ნაპოლი” დიეგო არმანდო მარადონას სახელობის სტადიონზე “ლივერპულს” უმასპინძლებს.
მანამდე კი საქართველოს ნაკრების მთავარმა მწვრთნელმა, ვილი სანიოლმა იტალიურ მედიას მისცა ინტერვიუ და რა თქმა უნდა მთავარი სასაუბრო თემა ხვიჩა კვარაცხელია იყო.
“კვარაცხელია თავს კარგად გრძნობს. იტალიაში თამაში ქართველი ფეხბურთელისთვის მნიშვნელოვანი გამოცდაა, მაგრამ ის, რასაც ხვიჩა დღეს აჩვენებს, უკვე ძალიან კარგია. ძალიან მჯერა მისი. ის მაშინვე შევნიშნე, როგორც კი საქართველოს ნაკრების მწვრთნელი გავხდი. კვარაცხელიას გამორჩეული ტექნიკური თვისებები და ეფექტურობის წარმოუდგენელი უნარი აქვს. ამავდროულად, მგონია, რომ მას შეუძლია კიდევ უფრო უკეთესო გახდეს და ლუჩანო სპალეტი მას ზრდაში დაეხმარება. ნაპოლის ძალიან კარგი მწვრთნელი ჰყავს.
კვარაცხელიას ცოტა ხნის წინაც ვესაუბრე და ყოველთვის ერთ რამეს ვეუბნები: რაც უნდა მოხდეს, უნდა გააგრძელოს თავდაუზოგავად მუშაობა. ბევრია კარგი მოთამაშე, რომელიც თუკი შრომას მოუკლებს, საშუალო დონის ფეხბურთელი გახდება. მინდა, რომ ხვიჩა არა საშუალო, არამედ საუკეთესო ფეხბურთელი იყო. საუკეთესო მოთამაშედ გახდომის მთელი საიდუმლო გამუდმებით მუხლჩაუხრელი შრომაშია. და ეს მაშინაც კი, როდესაც საქმეები არცთუ კარგად მიდის.
იმედი მაქვს, უფრო ძლიერ კვარაცხელიას ვნახავ, როდესაც ის საქართველოს ნაკრებში ჩრდილოეთ მაკედონიასთან მატჩისთვის ვარჯიშზე გამოცხადდება. ის ჩემი გუნდის საკვანძო მოთამაშეა, შედეგიანობით გამოირჩა ჩრდილოეთ მაკედონიასა და ბულგარეთთან განვლილ შეხვედრებში და ველოდები, რომ ნაკრებში ის სულ ცოტა, კარგ ფორმაში მყოფი გამოცხადდება”.- განაცხადა სანიოლმა.
კომენტარები post