ქართული კლუბებისთვის ევროტურნირები წელსაც მიუღწეველ მიზნად რჩება. მესამე საკვალიფიკაციო ეტაპზე გასვალასთან ყველაზე ახლოს “საბურთალო” იყო, მაგრამ თბილისური კლუბი “FCSB”-სთან ორი მატჩის ჯამში 4:3 დამარცხდა.
მატჩის შემდეგ “საბურთალოს” მთავარმა მწვრთნელმა ლაშა ნოზაძემ პრესკონფერენცია გამართა და განაცხადა, რომ მისმა გუნდმა მომდევნო ეტაპზე გასვლის კარგი შანსი გაუშვა ხელიდან.
“პირველ რიგში ვულოცავ მეტოქეს გამარჯვებას. რაც შეეხება მატჩს, პირველ ნახევარში მოწინააღმდეგემ წნეხში მოგვაქცია, მიუხედავად ამისა, 2-3 რეალური საგოლე მომენტი შევქმენით და გვმართებდა გოლის გატანა. სამწუხაროდ, ტაიმის მიწურულს გოლი გავუშვით.
მეორე ნახევარში ცვლილებები განვახორციელეთ და ორბურთიანი ჩამორჩენის აღმოფხვრა მოვახერხეთ. ანგარიშის გათანაბრების შემდეგ, მასპინძლებმა მალევე გაგვიტანეს, დასანანი გოლი გავუშვით. საერთო ჯამში, შეგვეძლო შემდეგ ეტაპზე გასვლა, მაგრამ კარგი შესაძლებლობა ვერ გამოვიყენეთ. ალბათ უფრო გამოცდილება დაგვაკლდა. ძალიან საწყენია მარცხი, მაგრამ ცხოვრება გრძელდება. იმედია, მომავალში კიდევ მოგვეცემა ევროტურნირებზე თამაშის შესაძლებლობა და მსგავს შეცდომებს აღარ გავიმეორებთ.”
კომენტარები post