“ბარსელონაში” ტრანსფერის შემდეგ რობერტ ლევანდოვსკიმ თავისი პირველი პრესკონფერენცია გამართა რამდენიმე საინტერესო თემაზე ისაუბრა.
“რა თქმა უნდა, უნდა ვიფიქროთ ჩემპიონთა ლიგის მოგებაზე, ბარსელონამ ყოველთვის უნდა იფიქროს ამ ტიტულის მოგებაზე, ამ გუნდით ყველა ტიტულის მოსაგებად ბრძოლისთვის მზად ვართ, ეს სეზონი წინაზე უკეთესი იქნება
ჩემთვის გუნდისთვის თამაში უფრო მნიშვნელოვანია, ვიდრე გოლების გატანა
თავიდანვე კარგად ვიგრძენი თავი ჩემს ახალ თანაგუნდელებთან ერთად, რადგან ყველა დამეხმარა და მხარი დამიჭირა, ეს ბევრს ნიშნავს ჩემთვის, ვცდილობ, მათთან კომუნიკაცია მქონდეს, რათა მათგან ვისწავლო, მაგალითისთვის ენა. აქ ვარ იმისათვის რათა საუკეთესო გავიღო გუნდისთვის და კარგი თამაში ვაჩვენო.
ფეხბურთში, ყველაზე მნიშვნელოვანი დრო არის აწმყო დრო და არა წარსული, არასდროს დამავიწყდება ის 4 გოლი, რომელიც რეალს გავუტანე, მაგრამ ეს დიდი ხნისწინ იყო. რეალი ამ სეზონშიც „აქ“ იქნება, და ის ბარსელონასთვის ყველაზე პრინციპული, მთავარი და რთული მეტოქეა. არა, გასახხდელში არ გვისაუბრია 8-2-ზე (იცინის), ეს თამაში წარსულშია და მას არ უნდა მივუბრუნდეთ, ჩვენთვის ახალი პერიოდი იწყება.
ჩვენ ვხედავთ რაფინიას მსგავს ფეხბურთელებს, რომლებსაც უდიდესი პოტენციალი აქვთ. ჩვენ ძალიან კარგი ურთიერთგაგება ჩამოგვიყალიბდა პირველივე სავარჯიშო სესიაზე. ბარსას ჰყავს ახალგაზრდა ფეხბურთელები დიდი პოტენციალით, მომავლის შესახებ ფიქრისას კარგი შეგრძნებები მეუფლება, ჩემმა თანაგუნდელებმა იციან, როგორ უნდა ვითამაშოთ სწორად.
ჩემი სხეული იმაზე ახალგაზრდაა ვიდრე ამას ჩემი პირადობის დამადასტურებელი მოწმობა ამბობს, ასე მითხრეს, როდესაც სხეულის ტესტი ჩავიტარე. ახლა, ვერ გვეცოდინება რამდენიმე წელი დამრჩა ფეხბურთში, მაგრამ დანამდვილებით გეტყვით, რომ რამდენიმე კარგი წელი ჯერ კიდევ წინ მაქვს. ამ კითხვაზე პასუხი 3 წლის შემდეგ მექნება.
გოლების გატანის გარდა, იმედი მაქვს შევძლებ გუნდის დახმარებას გამარჯვებულის მენტალიტეტის კუთხით.
რამდენი გოლის გატანას ვვარაუდობ? სეზონის დაწყებამდე ზუსტ ციფრზე არასდროს ვფიქრობ, თუმცა, რა თქმა უნდა, გოლის გასატანად ყველა შესაძლო შანსი უნდა გამოვიყენო, პირველ რიგში მთავარია მატჩების მოგება, სხვა მხრივ, კი მაქსიმუმის ჩვენებას შევეცდები”,– განაცხადა ლევანდოვსკიმ.
კომენტარები post