ლევანდოვსკი და სხვა ახალწვეულები ითამაშებენ – ბარსელონამ ფეხბურთელები დაარეგისტრირა

გუშინ ესპანეთის ლა ლიგამ აიღო სტარტი და პირველ შეხვედრაში “ოსასუნამ” “სევილია” 2:1 დაამარცხა. დღეს კი საქმეში ჩაერთვება “ბარსელონაც”, კატალონიელები “სპოტიფაი ნოუ კაპმზე” “რაიო ვალეკანოს” უმასპინძლებენ.

“ბარსელონას” ჰქონდა პრობლემა “სახელფასო ჭერის” სახით, რის გამოც ახალწვეულების დარეგისტრირებას ვერ ახერხებდა, მაგრამ ესპანურმა გრანდმა “ბარსა სტუდიოს” 24.5% გაყიდა 100 მილიონად და ხელ-ფეხიც გაეხსნა.

გუშინ ღამით ოფიციალურად დარეგისტრირდნენ რობერტ ლევანდოვსკი, ფრანკ კესი, ანდრეას კრისტენსენი, რაფინია, სერხი რობერტო და უსმან დემბელე. “ბარსას” ჯერ არ დაურეგისტრირებია ჟულს კუნდე, მაგრამ მისი რეგისტრაცია მომავალი კვირისთვის იგეგმება.