“მანჩესტერ იუნაიტედის” მთავარმა მწრთვნელმა, ერიკ ტენ ჰაგმა გუნდის ცენტრალურ მცველზე, ჯარი მაგუაიერზე ისაუბრა.
“ჩემი აზრით, კარგი ცენტრალური მცველები გვყავს. ჰარი ერთ-ერთი მათგანია. მარცხნივაც შეუძლია თამაში და მარჯვნივაც, რადგან მარჯვენა ფეხს ხმარობს”.
“ყოველთვის ვფიქრობდი, რომ კაპიტნობის საკითხი ჩემი გადასაწყვეტია. გუნდის მშენებლობა დიდი საქმეა და საქმე ყოველთვის ლიდერთა ჯგუფს ეხება. კაპიტანი უმნიშვნელოვანეს როლს თამაშობს და მაგუაირით კმაყოფილი ვარ”.
“ჰარი შთამბეჭდავია და მისგან ბევრს ველი. მაგრამ გუნდში კონკურენციაა, “მანჩესტერ იუნაიტედისთვის” ეს საჭიროა”.
“11 ფეხბურთელით გამარჯვება შეუძლებელია. თადარიგიც გვჭირდება – განსაკუთრებით იმ სეზონში, როცა ამდენი მატჩის ჩატარება მოგვიწევს. ევროპა ლიგაზე, ინგლისის ჩემპიონატში ვიასპარეზებთ, წინ კი მსოფლიო ჩემპიონატია. ასე რომ, ხარისხიანი ფეხბურთელების სრული განაცხადი გვჭირდება. აქ ხარისხია მნიშვნელოვანი და არა რაოდენობა”.
“ყველაფერში დავუჭერ მხარს, რაშიც შევძლებ. მაგრამ მაინც თავისით უნდა გადალახოს დაბრკოლებები და ამისათვის საჭირო თვისებები გააჩნია. წარსულში მაგუაირი ამას ხშირად აჩვენებდა” – აცხადებს მანჩესტერული გუნდის მთავარი მწრთვნელი.
შეგახსენებთ, რომ ვრცელდებოდა ჭორები იმის შესახებ, რომ ჰარი მაგუაიერი “მანჩესტერს” დატოვებდა, თუმცა ფეხბურთელი კარიერას კვლავ საკუთარ კლუბში განაგრძობს.
კომენტარები post