საქართველოს ნაკრების ახალგაზრდა მძიმე ფორვარდმა სანდრო მამუკელაშვილმა ფეისბუქ ლაივში გულშემატკივრების შეკითხვებს გასცა პასუხი, მათ შორის ზაზა ფაჩულიაზეც ისაუბრა.
“ზაზა ამერიკაში მიაჩნიათ როგორც ერთ-ერთ საუკეთესო პროფესიონალად. იცოდა ზუსტად მისი როლი – რა უნდა გაეკეთებინა, იხარჯებოდა 100%-ით. „მილუოკიში“ ზაზა ყველას უყვარს, ძალიან კარგი სახელი აქვს დატოვებული. ის სულ მირეკავს, სულ მეხმარება. რაიმე კითხვა თუ მაქვს პირველი მას ვურეკავ. ძალიან მაგარი პროფესიონალი იყო, ახლა ჩემი მრჩეველი და დიდი ძმა არის. სადაც მას უთამაშია ყველგან უყვართ, რადგან სულ ბოლომდე იხარჯებოდა და გუნდს მოსაგებად რაც სჭირდებოდა იმას აკეთებდა.”– განაცხადა მამუკელაშვილმა.
1 თვეზე ნაკლებში ეურობასკეტი დაიწყება და მამუკელაშვილი საქართველოს ნაკრებისთვის საკმაოდ დიდი ძალა იქნება. იქამდე კი ჩვენი ნაკრები რამდენიმე ამხანაგურ შეხვედრას გამართავს, ეურბასკეტამდე კი მსოფლიო ჩემპიონატის საკვალიფიკაციო ეტაპის 2 ძალიან მნიშვნელოვანი მატჩი ელოდება, 24-ში ნიდერლანდების ნაკრების წინააღმდეგ და 27-ში იტალიის ნაკრების წინააღმდეგ.
კომენტარები post