“მანჩესტერ იუნაიტედმა” ახალი სეზონი ძალიან მძიმედ დაიწყო და აშკარაა, რომ კლუბს ტრანსფერები და გუნდში ახალი სისხლი ესაჭიროება.
ფრენკი დე იონგთან ჩაშლილი საქმის შემდეგ “წითელი ეშმაკების” სამიზნე “რეალ მადრიდის” ნახევარმცველი, კაზემირო გახდა.
El Chiringuito TV-ს წამყვანის, ხოსეპ პედრელოლის ინფორმაციით, “ემიუს” სურს, ტრანსფერი შაბათამდე, ანუ “ლივერპულთან” მატჩამდე დახუროს. მადრიდშიც ეთანხმებიან ამ პოზიციას, თუ ფეხბურთელი წასვლას მოითხოვს, მაშინ უმჯობესია ყველაფერი სწრაფადვე, შაბათამდე დაიხუროს.
როგორც Marca-ს ჟურნალისტი მარიო კორტეგანა წერს, ბრაზილიელი ფეხბურთელი “მანჩესტერის” შეთავაზებაზე აქტიურად ფიქრობს, რადგან მიიჩნევს, რომ მისი მადრიდული ეტაპი ნელ-ნელა დასასრულს მიუახლოვდა. გარდა ამისა, მას ინგლისური კლუბი ორმაგ ხელფასს და ხუთწლიან კონტრაქტს სთვაზობს.
თუ კაზემირო წასვლის გადაწყვეტილებას მიიღებს, მაშინ “რეალ მადრიდი” მას ხელს არ შეუშლის და “იუნაიტედის” შემოთავაზებას დათანხმდება.
კომენტარები post