დაღესტნელმა მებრძოლმა უმარ ნურმაგომედოვმა (16-0) რაონი ბარსელოსის (17-4) პირველ რაუნდში დანოკაუტების შემდეგ sport24-თან საუბარში კომენტარი ალჯამეინ სტერლინგისა და მერაბ დვალიშვილის შესახებ გააკეთა.
ხაბიბ ნურმაგომედოვის ბიძაშვილი ამჟამად UFC-ის სუპერმსუბუქი წონის რეიტინგში მე-11 ადგილს იკავებს, თუმცა მიზანი 2024 წელს ჩემპიონის ქამრის მოპოვება აქვს.
“ალჯომ და მერაბმა გამარჯვება მომილოცეს. მათ სხვადასხვა ადგილას რამდენჯერმე შევხვდი და სულ ვსაუბრობთ. ეს მეგობრული დიალოგი არაა, თუმცა სასიამოვნო, დადებითი ლაპარაკია. მერაბი ძალიან სასიამოვნო ბიჭია, მასზე ყველა კარგს ამბობს.
სტერლინგმა მითხრა, რომ წონის შეცვლას აპირებს, მის გამოწვევას აზრი არ აქვს. რაც შეეხება დვალიშვილს, მასთან თრეშ თოქის გამართვა არ მინდა. თუ ბრძოლა შედგება, მე და მერაბი მას ჩვეულებრივად მივიღებთ. ფაფახების ისტორიასაც შევქმნით: მას შავი აქვს, მე თეთრი, ეს შინაარსსაც ატარებს. თან, მე დაღესტნელი ვარ, ის ქართველია, ჩვენ მეზობელი ვართ. ჩვენი მთები, მათი მთებიც არის,” – თქვა უმარმა.
UFC-ის სუპერმსუბუქი წონის მესამე ნომერი მერაბ დვალიშვილის მომდევნო მეტოქე ცნობილი არ არის, მაგრამ ამ ეტაპზე, ალბათ, მისი და 27 წლის ნურმაგომედოვის დაპირისპირება გამორიცხულია. ქართველმა დაღესტნელთან ჩხუბზე ადრეც ისაუბრა და თუ უმარი რეიტინგში მაღალ პოზიციას დაიკავებს, ‘მანქანა’ მასთან ბრძოლის წინააღმდეგი არ იქნება.
კომენტარები post