საქართველოს კალათბურთის ფედერაციის პრეზიდენტი ვიქტორ სანიკიძე უკრაინასთან მატჩის ბოლოს მომხდარ ინციდენტს გამოეხმაურა და აინარს ბაგატსკისის ქმედებას ყოვლად უღირსი საქციელი უწოდა.
უკრაინელთა ლატვიელმა მწვრთნელმა საქართველოს ნაკრების წევრების მიმართ უპატივცემულობა გამოავლინა და მათ უხამსი ჟესტი უჩვენა, რასაც მეტოქეთა შორის შელაპარაკება მოჰყვა.
“ეს, ძალიან სამწუხაროა ფაქტია. როგორც მოგება, ასევე წაგება, ყველამ ღირსეულად უნდა მიიღოს. ამ შემთხვევაში, უკრაინის ნაკრების მწვრთნელის ეს საქციელი უხამსი იყო, სპორტში ასე ჰქვია ამ ყველაფერს.”
“ჟესტიკულაცია და ის, რაც მან იკადრა მატჩის ბოლოს, ეს წესებსაც ცდება და იმედია, ფიბა-ს სადისციპლინო კომიტეტი ამას განიხილავს. ჩვენი მხრიდან აუცილებლად გვექნება ამაზე რეაგირება და მოვითხოვთ, რომ სათანადო რეაქცია მოჰყვეს. ის საქართველოშიც მუშაობდა და ჩვენს მეგობრად მოიაზრებოდა, თუმცა მისი ეს საქციელი ყოველგვარ ზღვარს გასცდა.”
“ისიც მინდა ვთქვა, რომ უკრაინის კალათბურთის ფედერაციის პრეზიდენტმა პირადად ბოდიში მოიხადა ამ საქციელის გამო. ეს, რაც იკადრა, მწვრთნელის გადაწყვეტილება იყო. რაც შეეხება მოთამაშეებს, რა თქმა უნდა, არაფერი ყოფილა”, – აღნიშნა ვიქტორ სანიკიძემ “რუსთავი 2”-თან.
კომენტარები post