“ბარსელონას” პრეზიდენტმა ჟოან ლაპორტამ ლევანდოვსკის ტრანსფერი შეაფასა. ლაპორტა კლუბის შენაძენით ძალიან კმაყოფილია.
“ვოცნებობ, რომ “ბარსა” კვლავ გახდეს ორიენტირი მთელი მსოფლიოსთვის. ამაზე ვმუშაობთ. თუ ჩვენი ფინანსური მდგომარეობა არ გაუმჯობესდა, მაშინ რთული იქნება. ნელ-ნელა ამას ვაღწევთ, მაგრამ ახლა კიდევ უფრო თავდაუზოგავად მუშაობაა საჭირო. ეს ახლავე უნდა გავაკეთოთ. დემბელე, რაფინია, ლევანდოვსკი, ობამეიანგი, ფერანი… მათთან ერთად. ვფიქრობ, მატეუ ალემანი და ხორდი კრუიფი კარგად მუშაობენ”.
“ბარსას”, როგორც ნებისმიერ ტოპ კლუბს, ძლიერი, გამტანი თავდამსხმელი სჭირდება. რობერტი ტყვიამფრქვევია. რამდენჯერმე მოიგო “ოქროს ბურთი”. გოლების გარანტიას იძლევა და თითოეულ ტოპ კლუბს სჭირდება ასეთი ფორვარდი. მასთან, ანსუსთან, ობამეიანგთან ერთად გოლების გარანტია გვაქვს”.
“ამ ყველაფერთან ერთად, რობერტის მეუღლე დიეტოლოგია. კარგია, როცა გყავს ქალი, რომელიც შენზე ზრუნავს” – განაცხადა “ბარსას” პრეზიდენტმა.
შეგახსენებთ, რომ პოლონელმა ფეხბურთელმა კატალონიურ კლუბს უკვე შეუერთდა და სამედიცინო შემოწმებაც წარმატებით გაიარა.
კომენტარები post