მოგეხსენებათ, ჩგბურთელმა, ნათელა ძალამიძემ მოქალაქეობა შეიცვალა და საქართველოს მოქალაქე გახდა. ამ თემაზე კომენტარი თავად მსოფლიოს 45-ე ჩოგანმა გააკეთა. ნათელას თქმით, ქართული პასპორტი მან 6 წლის წინ მიიღო, თუმცა სპორტული მოქალაქეობა მხოლოდ ივნისში შიცვალა, როცა უიმბლდონის ტურნირზე მონაწილეობის მიღების უფლება მისცეს.
“როდესაც მოქალაქეობის შეცვლა გადავწყვიტე, ველოდი, რომ დიდი გამოხმაურება მოჰყვებოდა. პროცესი “როლან გაროსის” ტურნირამდე დავიწყე, რათა “უიმბლდონამდე” მოსამზადებელი ტურნირები საქართველოს სახელით მეთამაშა”.
“ჩემთვის ძალიან მტკივნეულია იმის დანახვა, თუ რა ხდება უკრაინაში. ამის აღსაწერად სიტყვები არ მყოფნის. თავიდან ბევრი აგრესიული მესიჯი მივიღე. ვცდილობ, კამათი არ დავიწყო, მაგრამ ჩვენ, ათლეტები, ვითარებაზე გავლენას ვერანაირად ვერ მოვახდენთ. არ მინდა გავამართლო ის, რაც უკრაინაში ხდება, მაგრამ უსამართლობაა, რომ სპორტსმენები ცრურწმენების წინაშე დგანან.”
“თავიდან მრცხვენოდა, რომ ასეთი პასპორტი მქონდა, მაგრამ შემდეგ საკუთარ თავს ვკითხე: კარგი ადამიანი ვარ, საიდან მაქვს ასეთი გრძნობები? ჩემი მიზნების მისაღწევად ბევრი ვიმუშავე. ახლა კი, სხვისი გადაწყვეტილების გამო ჩემი ცხოვრება და კარიერა უნდა დავივიწყო?”- განაცხადა ჩოგბურთელმა
კომენტარები post