“მსოფლიოს უძლიერესი მამაკაცის ტიტულს აუცილებლად მოვიპოვებ!” – კონსტანტინე ჯანაშია

ქართველმა ხარმა იგივე, კონსტანტინე ჯანაშიამ სთრონგმენში მსოფლიოს ჩემპიონატის სამაზდისზე “პოპსპორტთან” ინტერვიუში” ისაუბრა.

“შევცვალე ვარჯიშისა და კვების სისტემები. ახლა უკვე მყავს პირადი ექიმი, რომელიც მიკონტროლებს ყველაფერს.

ევროპის ჩემპიონატზე კარგი შედეგის ჩვენება აუცილებელი იყო მოტავაციისთვის მსოფლიოს ჩემპიონატის წინ, რომელსაც დიდი იმედებით ველოდები. ოცნება ოცნებად რჩება – მსოფლიოს უძლიერესი მამაკაცის ტიტულს აუცილებლად მოვიპოვებ! წელს თუ არა, მომავალ წელს მაინც. ისე არ დავასრულებ კარიერას, რომ ეს ტიტული არ მოვიპოვო”, – ამბობს ჯანაშია.

შეგახსენებთ, რომ “ქართველი ხარი” კონსტანტინე ჯანაშიას მეტსახელია. 2016 წლიდან ქუთაისელი გოლიათი (სიმაღლე – 192 სმ, წონა – 165 კგ) მსოფლიოს უძლიერეს მამაკაცებში გაერია და თითქმის ყველა ტურნირში ლიდერებს შორისაა.