“მთავარია მსოლფიოზე პირველივე მატჩი მოვიგოთ” – შერმადინი მსოფლიოს ჩემპიონატს სასწაულად ელის

Eurohoops-ს საკმაოდ ვრცელი და საინტერესო ინტერვიუ მისცა საქართველოს ნაკრებისა და ესპანური “ტენერიფეს” კალათურთელმა, გიორგი შერმადინმა.

34 წლის ქართველი ცენტრი მოახლოებულ მსოფლიო თასზე ლაპარაკობს. შეგახსენებთ, რომ საქართველოს ეროვნული გუნდი ფინალურ ეტაპზე ისტორიაში პირველად ითამაშებს.

“საქართველოს ნაკრებისთვის გამორჩეული ზაფხული მოდის. პირველად ისტორიაში მსოფლიოს ჩემპიონატზე ვითამაშებთ. ყველანი ძალიან აღელვებულები ვართ. ხალხი ახლაც ბედნიერია იმით, რაც მსოფლიო თასის ბოლო საკვალიფიკაციო ფანჯრის დროს მოვახერხეთ. ეს, ჩვენთვის ძალიან დიდი მიღწევაა. ნაკრების მწვრთნელმა ილიას ზუროსმა და საქართველოს კალათბურთის ფედერაციამ უკვე დაიწყეს მუშაობა, რათა ფინალური ეტაპისთვის კარგად მოვემზადოთ. ჩემი აზრით, კარგი ნაკრები გვყავს და კონკურენცია ნებისმიერთან შეგვიძლია. ცხადია, იქ ბევრი ძლიერი გუნდი გველის უმაღლესი კლასის კალათბურთელებით, თუმცა, ჩვენც მაგარი მოთამაშეები გვყავს. იგივე შენგელია, ბითაძე და მამუკელაშვილი. ვფიქრობ, კარგ დონეზე თამაში შეგვიძლია. როგორც ყველა სხვა ტურნირზე, ახლაც პირველი მატჩის შედეგს დიდი მნიშვნელობა ექნება. თუკი ის მოვიგეთ, ყველაფერი უკეთ წავა”, – აღნიშნა გიორგიმ.