ნეაპოლიტანური გამოცემა Napolipiu ამტკიცებს, რომ სამპდორიასთან მატჩში ხვიჩა კვარაცხელიას წინააღმდეგ საჯარიმოში წესების დარღვევისთვის პენალტი უნდა დანიშნულიყო, რაც მთავარ მსაჯს როსარიო აბისოს გამორჩა და საქმეში არც VAR ჩაერია.
ნეაპოლური გამოცემა აღნიშნულ ფაქტს მას მერე გამოეხმაურა, რაც La Gazzetta dello Sport-მა ხსენებული არბიტრს ძალიან დაბალი შეფასება (3) დაუწერა, მიზეზად კი ის დაასახელა, რომ აბისომ საეჭვო გადაწყვეტილებები სწორედ ნაპოლის სასარგებლოდ მიიღო. აი, რას წერს Napolipiu:
“არბიტრმა ნაპოლის სასარგებლოდ 2 პენალტი დანიშნა, თუმცა, არ მოგვცა მესამე 11-მეტრიანი, როდესაც საჯარიმოში ხვიჩა კვარაცხელია წააქციეს. რატომღაც დიდი უკმაყოფილება გამოიწვია პირველმა პენალტმა, რომელიც ანგისას წინააღმდეგ უხეშობისთვის დაიდო. არადა, ეპიზოდი VAR-ზე დიდხანს განიხილებოდა და ყველას ჰქონდა საშუალება მომენტი თვალნათლივ ენახა.”
“მიუხედავად ამისა, Gazzetta-მ აბისოს მსაჯობა სამიანზე შეფასა, აი, ჯოვანი აიროლდის კი, რომელიც წინა ტურში კრემონეზესა და იუვენტუსის შეხვედრას მსაჯობდა, 5.5 დაუწერა. ამ ამბავს კიდევ დავუბრუნდებით, მანამდე კი, კვარაცხელიაზე ფოლზე ვთქვათ. ეს თამაშის მე-20 წუთზე მოხდა, როდესაც პოლიტანოს პირველი პენალტი გაფუჭებული ჰქონდა და თამაშის ბედი გადაწყვეტილი ნამდვილად არ იყო.
ხვიჩა საჯარიმოში შეიჭრა, როდესაც მას ლერისი დაეჯახა და წააქცია. ჯარიმა აშკარა იყო, თუმცა, აბისომ მყისვე ანიშნა, რომ 11-მეტრიანის დანიშვნას არ აპირებდა, ყველაზე უცნაური კი ის იყო, რომ მომენტი VAR-ზეც არ ინახა. რატომღაც ამ შემთხვევისთვის, რეფერი არავის გაუკრიტიკებია, Gazzetta-მ კი აბისო იმისთვის გაკიცხა, რომ ის ნაპოლის მხარეს უსტვენდა”, – წერს Napolipiu.
კომენტარები post