იტალიის ჩემპიონატის მესამე ტურში “ნაპოლი” “ფიორენტინას” ესტუმრა და 1 ქულა მოიპოვა, მატჩი ფრედ, 0:0 დასრულდა.
ნეაპოლელთა რიგებში კვარაცხელია ძირითად შემადგენლობაში იყო და მან მოედანზე 60 წუთი დაჰყო, შემდეგ კი სპალეტიმ ის ელმასით ჩაანაცვლა. მატჩის შემდეგ “ნაპოლის” მთავარმა მწვრთნელმა კვარას შესახებაც გააკეთა კომენტარი:
“კვარაცხელიამ თავის შესაძლებლობაზე უარესად ითამაშა, ბურთის ფლობაში ზედმეტად ჯიუტი იყო და დაცვას კარგად არ ეხმარებოდა. ფიზიკური გადატვირთვის გამო, დაღლილობა აწუხებდა. მაგრამ, ამის თქმის შემდეგ მახსენდება მისი შექმნილი საგოლე მომენტი, რომელიც ლოზანომ ვერ გამოიყენა. ასეთ დროს არ შეიძლება შეცდე”,- განაცხადა სპალეტიმ.
კომენტარები post