ილია თოფურია (13-0) ესპანურ პოდკასტ WEBPOSITER-ს სტუმრობდა და სხვადასხვა საკითხზე ისაუბრა, მათ შორის, თავისი სავარაუდო ბრძოლის თარიღი და დივიზიონიც დაასახელა.
ილია ბოლოს ოქტაგონზე 2022 წლის 10 დეკემბერს გავიდა და ბრაის მიტჩელი (15-1) მეორე რაუნდში დანებებით დაამარცხა. ბოლო პერიოდში ძალიან აქტიურობს მოვსარ ევლოევი (16-0), რომელსაც “მატადორთან” ჩხუბი ძალიან სურს, მაგრამ, როგორც ჩანს, ინგუში ამ სურვილს ჯერ ვერ აისრულებს.
“მას შემდეგ, რაც UFC-ის მებრძოლი გავხდი, დაახლოებით, მილიონი, მილიონ-ნახევარი ევრო გამოვიმუშავე. ცხადია, ფული ძალიან მნიშვნელოვანი რამ არის და არავინ თქვას, რომ ეს მოტივაცია არ გააჩნია. ჩემს შვილს სახლში მედლებს, დიდებასა და საბრძოლო მემკვიდრეობას საჭმელად ვერ მივუტან. თუმცა, ის თანხა, რასაც ახლა ვშოულობ, არაფერია იმასთან შედარებით, რასაც PAY-PER-VIEW-ის (პროცენტი სატელევიზიო ნახვებიდან) შემთხვევაში მივიღებ. ალბათ, რაც ცხოვრების მანძილზე მიშოვია, იმას ერთ რაუნდში გადამიხდიან. თუმცა, ახლა კმაყოფილი ვარ, მშვიდად შემიძლია მუშაობა და ვარჯიში, არ ვდარდობ ძირითადი მოთხოვნილებების დაკმაყოფილებაზე. ეს ყველაფერი წარსულში დარჩა, რომელიც ტკბილი ნამდვილად არ ყოფილა. იყო დრო, როცა ვფიქრობდი, რომ კარაქი და ნუტელა მდიდრების საჭმელი გახლდათ. ვოცნებობდი, რომ სუპერმარკეტის წინ დავდგებოდი და იმ ნამცხვარს ვიყიდდი, რომელიც მინდოდა. თუმცა, ამას ისე არასდროს შევუწუხებივარ, რომ რწმენა დამეკარგა. ადამიანს მისი ეკონომიკური მდგომარეობით არ განვსაზღვრავ, შესაძლოა უმდიდრესი პიროვნება იყოს, მაგრამ არაკაცი და მე მასთან არ ვიმეგობრებ. ხოლო პირიქით, შეიძლება იყოს კარგი ადამიანი, ზნეობრივი, თუმცა არაფერი გააჩნდეს და მე მის დასახმარებლად, რაც შემეძლება, ყველაფერს გავაკეთებ.”
კომენტარები post