2024 წლის ოლიმპიადაზე დიდი ალბათობით რუს და ბელარუს სპორტსმენებს ვერ ვიხილავთ, ამის მიზეზი რა თქმა უნდა უკრაინაში რუსეთის მიერ წამოწყებული ომია.
ამ საკითხის შესახებ The Guardian-თან კომენტარი საერთაშორისო ანტისადოპინგო სააგენტოს (WADA) ყოფილმა ხელმძღვანელმა, საერთაშორისო ოლიმპიური კომიტეტის საპატიო წევრმა კრეიგ რიდმა გააკეთა.
“ოლიმპიური თამაშების დაწყებამდე დაახლოებით ორი წლით ადრე, არსებობს პრობლემა – იწყება საკვალიფიკაციო პერიოდი, რომელიც ოფიციალურად არის დადგენილი საერთაშორისო ფედერაციებისა და სოკ-ის მიერ. და ამ დროს ჩნდება რეალური პრობლემა ფედერაციებისთვის, რომლებიც მუშაობენ კონკრეტული ინსტრუქციით – არ დაუშვან თავიანთ შეჯიბრებებში რუსები და ბელარუსები. აქედან გამომდინარე, ნაკლებად სავარაუდოა, რომ მათგან რომელიმემ საკვალიფიკაციო ეტაპი გაიაროს, სპორტის სამი სახეობის გარდა (ველოსპორტი, ძიუდო, ჩოგბურთი), რომლებიც სხვაგვარად მოქმედებენ. ან აქ კი გაივლიან კვალიფიკაციას? არ ვარ დარწუნებული. ამას გარდა, სხვა ქვეყნების სპორტსმენებისთვისაც ძალიან რთული იქნება შუა გზაზე იმის თქმა, რომ “თქვენთვის, ვინც უკვე გაიარეთ კვალიფიკაცია, წესები შევცვალეთ”, – ამბობს რიდი.
კომენტარები post