პოლონეთის დედაქალაქ ვარშავაში ეტლით მოფარიკავე ქალთა მსოფლიო თასი გაიმართა, სადაც საქართველოს ნაკრებმაც იასპარეზა, თანაც საკმაოდ წარმატებულად.
რაპირით ფარიკაობაში ირმა ხეცურიანმა ვერცხლის მედალი მოიპოვა, ხოლო ნინა თიბილაშვილმა ბრინჯაო.
ირმა ხეცურიანმა 1/2-ფინალში ამერიკელი ელენ გედესი ანგარიშით 15:12 დაამარცხა, ფინალში კი ტაილანდელ სან სუნ იანასთან 15:7 დათმო ბრძოლა და მეორე ადგილზე გავიდა.
თიბილაშვილი კი ნახევარფინალში უნგრელ მეტოქესთან დამარცხდა და ბრინჯაოს მედალს დასჯერდა.
კომენტარები post