“ფეხბურთი არ ვიცი, მაგრამ ზუსტად ვიცი კალაძე ხვიჩაზე რას ფიქრობს” – ირაკლი ოქრუაშვილი-

გუშინ, ერთა ლიგის მე-5 ტურის შეხვედრაში საქართველოს ნაკრებმა ჩრდილოეთ მაკედონიას უმასპინძლა და მეტოქე 2:0 დაამარცხა.

ორივე გოლში ხვიჩა კვარაცხელიამ მიიღო მონაწილეობა – პირველ შემთხვევაში მაკედონიელთა მცველს ავტო-გოლი გაატანინა, ხოლო მეორე გოლი ბუდუ ზივზივაძის ასისტით თავად გაიტანა.

მატჩის შემდეგ, გასახდელში კვარაცხელიასთან ეროვნული ნაკრების და მილანის ყოფილი ფეხბურთელი, კახა კალაძე მივიდა – კადრებს, სოციალურ ქსელში დიდი გამოხმაურება მოჰყვა, მათ შორის აღნიშნულ შეხვედრას ქართველი პოლიტიკოსი ირაკლი ოქრუაშვილიც გამოეხმაურა:

“ფეხბურთის არაფერი არ მესმის, მაგრამ ზუსტად ვიცი კალაძეზე მაგრად კვარაცხელიას წარმატებებზე არავინ არაა დაბოღმილი.”