goal.com-მა, ბოლო თვის მონაცემების მიხედვით, “ოქროს ბურთი 2023”-ის საკუთარი რეიტინგული ვერსია განაახლა. განახლებულმა რეიტინგმა მსოფლიო ფეხბურთში ახალი ქართული რეკორდიც დაამყარებინა ხვიჩა კვარაცხელიას.
კვარა საპატიო პრიზის კანდიდატთა სიაში მისთვის სარეკორდო, მეექვსე ადგილზეა. ხვიჩას თანაგუნდელი ვიქტორ ოსიმენი კი მეოთხე პოზიციაზე აღზევდა.
“ჩემპიონთა ლიგის მერვედფინალურმა დაპირისპირებებმა “ოქროს ბურთისთვის” ბრძოლა მხოლოდ გაამწვავა”, – აღნიშნავს გამოცემა და კვარაცხელიას თაობაზე შემდეგს წერს: “ხვიჩა კვარაცხელია (ნაპოლი) – ბოლოს მეშვიდე პოზიციაზე იყო, 16 გოლი და 17 საგოლე გადაცემა 2022/23 წლების სეზონში. “ნაპოლი” ჩემპიონთა ლიგის ფინალში გასვლის ფავორიტი მოულოდნელად მას შემდეგ გახდა, რაც მეოთხედფინალსა და ნახევარფინალში კარგი ბადე ერგო. ქართველი გარემარბი სერია A-ში გოლების გატანას და საგოლე გადაცემების გაკეთებას განაგრძობს, ხოლო ლუჩანო სპალეტის გუნდს სკუდეტოს მოპოვება აპრილის ბოლოს აქვს გადაწყვეტილი”.
“ოქროს ბურთი 2023”-ის განახლებული ტოპ-ათეული:
1. ლიონელ მესი (პსჟ)
2. ერლინ ჰოლანი (მანჩესტერ სიტი)
3. კილიან მბაპე (პსჟ)
4. ვიქტორ ოსიმენი (ნაპოლი)
5. ვინისიუსი (რეალი)
6. ხვიჩა კვარაცხელია (ნაპოლი)
7. მარკუს რეშფორდი (მანჩესტერი)
8. რობერტ ლევანდოვსკი (ბარსელონა)
9. კაზემირო (მანჩესტერი)
10. ბუკაიო საკა (არსენალი)
კომენტარები post