რუსმა ძალოსანმა, ალეკსეი ლოვჩევმა, GoB Channel-თან ინტერვიუში ქართველი ძალოსნის, ლაშა ტალახაძის შესახებ კომენტარი გააკეთა.
“ლაშა ტალახაძეს კოსმიური შედეგები აქვს. ის დიდ წონებს მარტივად წევს და უფრო მეტიც შეუძლია. უბრალოდ, მას ეუბნებიან, რომ მეტის აწევა საჭირო აღარაა. ჯერჯერობით, აჩერებენ.
მასთან ურთიერთობა არ მაქვს. ბევრ ძალოსანთან მაქვს ურთიერთობა, მაგრამ მასთან – არა. მე გახსნილი ვარ და ეს იმით არ არის გამოწვეული, რომ მისდამი ცუდი დამოკიდებულება მაქვს. არ მგონია, რადგან ლაშა ჩემი მეტოქეა, მის მიმართ ცუდად განწყობილი უნდა ვიყო, თუმცა ქართული მხარისგან მსგავსი რამ ჩანს”, – განაცხადა რუსმა ძალოსანმა.
აქვე გეტყვით, რომ ლოვჩევი 2015 წელს, ჰიუსტონში ჩატარებულ მსოფლიო ჩემპიონატზე ოქროს მედალსდაეუფლა, თუმცა ორგანიზმში დოპინგის კვალი აღმოაჩნდა, რის გამოც ოქროს მედლები ტალახაძეს გადაეცა და ლოვჩევი ოთხწლიანი დისკვალიფიკაციით დაისაჯა.
კომენტარები post