“როდესაც ჩემს ცოლს სხვასთან აქვს სექსი, ამას მსუბუქად ვიღებ, ესაა პორნოინდუსტრია” – ინგლისელი ფეხბურთელის კარიერა პორნოვარსკვლავობამდე

16 წლის ასაკში ყველას ეგონა, რომ “საუთჰემპტონის” აკადემიაში მოთამაშე დენი მაუნთინსი ინგლისის ამომავალი ვარსკვლავი იყო და დიდ ფეხბურთს ითამაშებდა, თუმცა მომავალი მას სულ სხვა რამეს უქადდა…

მის მიმართ ინტერესი ისეთ დიდ გუნდებს ჰქონდათ, როგორებიც “ჩელსი”, “ტოტენჰემი” და “ვესტ ჰემი” არიან…

დენის მამა ერთ-ერთ ინტერვიუში იხსენებს: “ჩემი შვილი 12 წლის იყო, როდესაც “საუთჰემპტონის” ახალგაზრდული გუნდის მთავარი მწვრთნელი ალან ბალი მატჩის შემდეგ ჩემთან მოვიდა და მითხრა, რომ დენის მსგავსი ტალანტი 15 წელში ერთხელ იბადება.

ყურებს არ ვუჯერებდი… გარკვეული პერიოდის შემდეგ დამირეკეს “ჩელსის”,
“ვესტ ჰემისა” და “ტოტენჰემის” აკადემიებიდან, მაგრამ ბოლმა მირჩია, რომ ჩემი შვილი “საუთჰემპტონში” დამეტოვებინა.

სამწუხაროდ, მაუნთის დებიუტი “წმინდანდების” ძირითად გუნდში ვერასდროს ვერ შედგა, რადგან მან 17 წლის ასაკში მუხლის ტრავმა მიიღო, რის გამოც კინაღამ ინვალიდიც კი გახდა…

კლუბმა ის გაჭირვებაში არ მიატოვა და მკურნალობის თანხა დაუფინანსა, თუმცა ამის შემდეგ მისდამი ინტერესი აღარ ყოფილა, კარიერაც დაღმასვლით წავიდა და პრემიერლიგის კლუბებმაც გააცნობიერეს, რომ მას დიდ დონეზე თამაში არ შეეძლო.

19 წლის ასაკში ბიჭი მიხვდა, რომ ფეხბურთში მეტი არაფერი ესაქმებოდა. ამიტომ სერიოზულად ფიქრობდა პროფესიის შეცვლაზე.

ამაში მას მისი მეგობარი გოგონა დაეხმარა, რომელიც პორნოფილმში გადასაღებად კასტინგზე მიიწვიეს. თავად გოგონამ ვერ გაბედა ასეთი ნაბიჯის გადადგმა, მაგრამ დენიმ, რომელიც ყოველთვის პოპულარული იყო საპირისპირო სქესში, გადაწყვიტა, თავი ახალ ამპლუაში გამოეცადა.

Daily Star-თან ინტერვიუში მაუნთინმა აღიარა, რომ თავდაპირველად ის კამერებთან მუშაობაზე ნერვიულობდა, თუმცა ყველაფერმა კარგად ჩაიარა და ახლა რჩებოდა მხოლოდ ერთი რამ – როგორ შეეტყობინებინა ეს ამბავი მშობლებისთვის, რადგან ის მხოლოდ 19 წლის იყო…

როდესაც ეს ამბავი დედას უთხრა, ის შოკში ჩავარდა და მან მხოლოდ რამდენიმე თვის შემდეგ შეძლო ამ ამბის მიღება და გააზრება… მამასთან კი ყველაფერი უფრო მარტივად მოხდა… მან თავის შვილს უთხრა – “მიდი, შვილო, მიაწექი!”.

ყოფილ ფეხბურთელს სასცენო სახელი Danny Boy შეურჩიეს. მან მალევე მიაღწია თავბრუდამხვევ წარმატებას პორნოინდუსტრიაში. ის აშშ-ში გადასაღებადაც კი მიიწვიეს წამყვანმა პორნოსტუდიებმა.

იქ 2007 წელს 23 წლის დენი დაქორწინდა ერთ-ერთ ყველაზე პოპულარულ პორნომსახიობზე, ევა ანჯელინაზე. ერთი წლის შემდეგ კი მათ ქალიშვილი შეეძინათ.

“ადამიანები ხშირად მეკითხებიან, რას ვგრძნობ, როდესაც ჩემს მეუღლეს აქვს სექსი სხვა მამაკაცებთან, ვეჭვიანობთ თუ არა ერთმანეთზე?.. იცით, ჩვენ ამას მსუბუქად ვიღებთ… პორნოინდუსტრია ერთი დიდი მეგობრული ოჯახია, ამიტომ არავინ ეჭვიანობს. გარდა ამისა, ყოველ სამ კვირაში ვამოწმებთ სქესობრივი გზით გადამდები დაავადებების არსებობას”, – ამბობს დენი.

წყვილმა 2009 წელს განქორწინების შესახებ გამოაცხადა. მაუნთმა განაგრძო პორნოფილმებში მონაწილეობა და საბოლოდ ის გახდა ყველაზე მაღალანაზღაურებადი პორნომსახიობი დიდ ბრიტანეთში. თითქმის 600 ფილმში გადაღებამ მას 1,5 მილიონი დოლარი მოუტანა.

“ბავშვობაში ვოცნებობდი, რომ ცნობილი ფეხბურთელი გავმხდარიყავი… მართალია, ინგლისის ნაკრების მაისურით გოლს ვეღარასდროს გავიტან, მაგრამ ამას წარმატების მიღწევაში ხელი არ შეუშლია.

მაქვს დიდი სახლი, ვსადილობ რესტორნებში და “უიქენდებზე” ფეხბურთს ვინი ჯონსს, ჯეისონ სტეტჰემსა და სხვა ცნობილ ადამიანებს ვეთამაშები”, – ამბობს დენი.

მომზადებულია sportall.ge-ის მიხედვით.