გუშინ ტელეკომპანია ფორმულას მიერ მოპოვებული ექსკლუზიური ინფორმაციის თანახმად შესაძლოა რომან ფიფიამ “დინამო თბილისი” გაყიდოს და ლეგენდარული ქართული კლუბისთვის ახალი ეპოქა დაიწყოს.
რომან ფიფიამ “დინამო” 2011 წელს ჩაიბარა და ამის შემდეგ ქართულმა კლუბმა ვერცერთხელ ვერ შეძლო ევროტურნირზე გასვლა, ევროპა ლიგის პლეი-ოფში კი სამჯერ იმყოფებოდა.
ფიფიას გულშემატკივრების მხრიდანაც ბევრი კრიტიკა დაატყდა თავს, ბევრი გულშემატკივარი პროტესტის ნიშნად თამაშებზეც აღარ დადის.
დღეს კი ეს ინფორმაცია თავად რომან ფიფიამ დაადასტურა:
“დინამოს გასხვისების გადაწყვეტილებაში დარწმუნებული ვარ. მოლაპარეკბის პროცესში ვარ ინვესტორებთან გუნდის გაყიდვის თაობაზე. ამ ეტაპზე ჩემი პირადი ფინანსური რესურსი კლუბის სამართავად არასაკმარისად მიმაჩნია.”– განაცხადა ფიფიამ.
კომენტარები post