ხვალ ბათუმის “დინამო” ჩემპიონთა ლიგის პირველი საკვალიფიკაციო ეტაპის მეორე თამაშს “სლოვანის” წინააღმდეგ გამართავს. ბათუმელებს მომდევნო ეტაპზე გასასვლელად ბრატისლაველების დამარცხება სჭირდებათ. წინა მატჩი 0:0 დასრულდა.
მატჩის წინ დინამოს მთავარმა მწვრთნელმა გია გეგუჩაძემ პრესკონფერენცია გამართა და ჟურნალისტების კითხვებს უპასუხა.
“სკეპტიკურად არ ვარ განწყობილი, ისინიც შეეცდებიან ქართული ფეხბურთის პრესტიჟის დაცვას. ჩვენ კი ვცდილობთ, რომ სათანადო სიმაღლეზე ვიდგეთ და ხვალინდელი დღეც არ იქნება გამონაკლისი.”
“მნიშვნელოვანი თამაშია და მღელვარება თან ახლავს. იმედი მაქვს, თამაშის დაწყებისას ეს მღელვარება გაივლის. ჩვეულებრივად ვემზადებით, ყველა ფეხბურთელი მზადყოფნაშია. მაღალ დონეზე ნათამაშებ ფეხბურთელებს აქვთ ხოლმე წნეხის მომენტი, რამდენად შევძლებთ ამის დაძლევას თამაში გვიჩვენებს.”
“ზარია ორი დღეა ვარჯიშობს და ალბათ ვერ გამოვა, დანარჩენები მზადყოფნაში არიან. გაფრინდაშვილზე დიდი ხანია, უცხოეთიდან იყო მოთხოვნა და ჩვენ მივეცით საშუალება, რომ წასულიყო. იმედია, პროგრესს გააგრძელებს და შესაძლოა ნაკრების წევრიც გახდეს.”
“მადლობა გუშლემტატკივართა დიდ არმიას. სანამ სლოვაკეთში წავიდოდით, უკვე ვიცოდით, რომ ყველა ბილეთი გაყიდული იყო. ფავოტირი მაინც უხერხული სიტყვაა, ყველაფერი მოედანზე გამოჩნდება”, – განაცხადა გია გეგუჩაძემ.
მომზადებულია europop-ის მიერ.
კომენტარები post