ფეხბურთს ერთგული გულშემატკივრების გარეშე ხიბლი დაეკარგებოდა, დღეს სწორედ ასეთი გულშემატკივრის ისტორიას მოგიყვებით, რომელიც იმ ესპანურ გუნდს ქომაგობდა, რომელშიც ამჟამად საქართველოს ეროვნული ნაკრების მეკარე, გიორგი მამარდაშვილი ასპარეზობს.
ვალენსიას ქომაგი ვისენტე ნავარო გუნდის ყველა საშინაო მატჩს ესწრებოდა და გარდა ამისა, ვალენსიას საგარეო შეხვედრებზეც დაყვებოდა. 54 წლის ასაკში ვისენტემ მხედველობა დაკარგა, რის გამოც გუნდის საგარეო მატჩებზე სიარული შეწყვიტა, თუმცა მას “მესტალიაზე” არც ერთი მატჩი არ გამოუტოვებია და 2004 წელს ვალენსიას ჩემპიონობაც იზეიმა.
მხედველობის დაკარგვის მიუხედავად, ვისენტეს მატჩებს იმ მიზეზით არ აცდენდა, რომ სურდა სტადიონზე არსებული ატმოსფერო შეეგრძნო, ამიტომაც შვილს ის ყოველთვის მოედანზე დაყავდა.
ვისენტე ოთხი წლის წინ გარდაიცვალა, ვალენსიას ხელმძღვანელობამ კი ამ ერთგული გულშემატკივრის ხსოვნისადმი პატივსაცემად, გადაწყვიტა, რომ მისთვის ძეგლი იმ ადგილზე დაედგათ, სადაც წლების განმავლობაში ბილეთს ყიდულობდა.
ვისენტე ნავარო ვალენსიას სეზონური აბონიმენტის მუდმივი მფლობელი იყო, ის ყველა საშინაო მატჩს ესწრებოდა. სამაგალითო გულშემატკივარი საშინაო შეხვედრებს მაშინაც არ ტოვებდა, როცა მხედველობა სრულად დაკარგა.
2019 წელს, ვალენსიამ ვიესტენს ქანდაკება მესტალიაზე ზუსტად იმ ადგილზე განათავსა, რომელსაც მუდმივად იკავებდა ხოლმე.
კომენტარები post