საქართველოს საკალათბურთო ნაკრები მსოფლიო ჩემპიონატის საკვალიფიკაციო ეტაპის მეხუთე ტურში უკრაინის ნაკრებს დაუპირისპირდა და მძიმე ბრძოლაში, 79:66 დამარცხდა.
ქართველებმა პირველი მეოთხედი 23:20 წააგეს, მეორე მეოთხედი კი 24:14 დავთმეთ. კარგი არც მეორე ტაიმი გამოგვსვლია, მესამე მეოთხედში უკრაინელებმა 3 ქულით, 13:10 დაგვამარცხეს. ქართველებმა მხოლოდ მეოთხე მეოთხედის მოგება შეძლეს 19:22.
საქართველოს რიგებში საუკეთესო ტად მაკფადენი იყო, მან 22 ქულა, 4 მოხსნა და 1 შედეგიანი გადაცემა ჰქონდა. მაკფადენს მხარი ნაკრების კაპიტანმა თორნიკე შენგელიამ აუბა 21 ქულით.
მეტოქეთა რიგებში საუკეთესოები ვიაჩესლავ ბობროვი და სვიატოსლავ მიხაილჩუკი იყვნენ 17 და 16 ქულებით.
საქართველოს ნაკრები თამაშიდან ძალიან ცუდი პროცენტით უტევდა 21/65 ჩაგდებული ბურთი. ასევე საკმაოდ ცუდი პროცენტი გვქონდა საჯარიმო სროლიდან, 20/33 ჩაგდებული სროლა.
საკვალიფიკაციო ეტაპის მომდევნო მატჩს საქართველო ესპანეთის წინააღმდეგ თბილისში, 4 ივლისს გამართავს.
კომენტარები post