საქართველოს საკალათბურთო ნაკრებმა მსოფლიო ჩემპიონატის საკვალიფიკაციო ეტაპის მე-6 ტურში ესპანეთის ნაკრებს უმასპინძლა და მეტოქე ძალიან დაძაბულ ბრძოლაში, 82:76 დაამარცხა.
გამარჯვებულის ვინაობა ოვერტაიმში გაირკვა, სადაც საქართველოს ნაკრებს რატი ანდრონიკაშვილმა ულიდერა და 8 ქულა მოიპოვა. თბილისში მარცხს ესპანურ მედიაშიც გამოეხმაურნენ.
AS: მტკივნეული დარტყმა თბილისში
“კავკასიელებმა ოვერტაიმში პარკეტზე ცეცხლი დაანთეს და ესპანეთმა ჯგუფურ ეტაპზე პირველი მარცხი განიცადა. “საქართველო-საქართველო” – ომახიანად სკანდირებდნენ დარბაზში გულშემატკივრები. ქართველებმა წამყვანი ტრიოთი (მაკფადენი, შენგელია, შერმადინი) და “სპეციალური სტუმრით”, ანდრონიკაშვილით, ესპანეთი დასაჯეს. ეს საგანგაშო არა, მაგრამ მტკივნეული დარტყმაა.
ეს თბილისში კარგი საკალათბურთო საღამო იყო. ეს არ იყო ესპანეთის დღე, არამედ იყო ქართველთა სიამაყე. “საქართველო-საქართველო” – გრგვინავდა თბილისში არენა”.
ეს თბილისში კარგი საკალათბურთო საღამო იყო. ეს არ იყო ესპანეთის დღე, არამედ იყო ქართველთა სიამაყე. “საქართველო-საქართველო” – გრგვინავდა თბილისში არენა”.
Marca: ესპანეთი ქართულ ჯოჯოხეთში იწვის – გაუტეხელ მაკფადენთან
“ტყუილად როდი იყო ეს შეხვედრა ამ სანაკრებო ფანჯარაში ყველაზე რთულად მიჩნეული. ამ ფონზე ესპანეთი უძლური აღმოჩნდა. ესპანეთს გარკვეულ პერიოდში საუკეთესო წუთებმა ვერ უშველა და ქართველთა “დიდმა სამეულმა” ტემპი შეცვალა, ნატურალიზებული ამერიკელის წინამძღოლობით ჯოჯოხეთი მოგვიწყო და გაიმარჯვა.
ახლად აშენებულ არენაზე მოჩანდა, რომ მასპინძლები ზეწოლას სულ უფრო და უფრო აძლიერებდნენ. თავიანთ ეროვნულ გმირ თორნიკე შენგელიასთან ერთად მქუხარე ოვაციების თანხლებით, ეროვნული ჰიმნის, “თავისუფლების” შესრულების შემდეგ მოედანზე ჩვენზე უფრო აგზნებულები გავიდნენ და გამარჯვება მოიპოვეს”.
კომენტარები post